Tiranë, 8 tetor, NOA – Autoritete të kulturës, studiues dhe personalitete të politikës do të marrin pjesë në ceremoninë e 10-vjetorit të vdekjes së studiuesit dhe veprimtarit arvanitas Aristidh P. Kolia.
Ceremonia organizohet në bashkëpunim me Ministrinë e Turizmit Kulturës Rinisë dhe Sporteve, më datën 11 tetor 2010 në orën 17:00 në ambientet e kësaj ministrie në Tiranë.
Studjuesi Kolec Traboini do të mbaj fjalën kryesore në këtë takim me temë "Aristidh Kolia - Rrënjet tona janë në Arbëri!".
Në takim do të lexohet përshëndetja e posaçme e studiuesit e veprimtarit të mirënjohur arbëresh Antonio Bellusci, ndërsa miq dhe lexues të veprës së A.Kolias do të sjellin kujtimet e mbresat e tyre.
Për pjesëmarrësit shtëpia botuese “ADA” do të shpërndaj falas botimin special të revistës "Obelisk" kushtuar Aristidh Kolias, personalitetit më të madh arvanitas të shekullit XX.
a.k/NOA
