Londër, 9 Tetor 2010 NOA/ Rid Bulku – Jeremy Hunt, Ministri i Kulturës në Angli, ka deklaruar se personat që janë të papunë duhet të heqin dorë nga lindja e fëmijëve.
Fjalë jo të zakonta këto në veshin e opinionit publik. Duke ndërhyrë në debatin e ndihmës financiare kundrejt familjeve, që tashmë do të limitohet në vlerë financiare, në ata që fitojnë më pak se 44 mijë sterlina në vit, Hunt deklaroi se nuk është detyra e shtetit të financoi një numër rritës të fëmijëve për ato familje në të cilat të gjithë anëtarët janë të papunë.
E menjëhershme, ishte përgjigja e liderit të opozitës, Ed Miliband, i cili në një intervistë televizive pohoi se të gjitha familjet e këtij vendi duhet të ndihmohen dhe jo t’u jepen leksione si ajo e Jeremy Hunt.
Një organizatë bamirësie për fëmijët e varfër i ka përcaktuar si të “shpifura” dhe “të neveritshme”, fjalët e deklaruar nga Hunt në lidhje me këtë çështje.
r.b/NOA
