Prishtinë, 10 tetor, NOA – Lëvizja “Vetëvendosja” ka përuruar sot këshillin e saj në kryeqytetin e Kosovës, Prishtinë.
Kreu i lëvizjes “Vetëvendosja”, Albin Kurti, duke folur mbi situatën politike në Kosovë dhe rolin e Lëvizjes që ai drejton u shpreh se “Në Kosovë janë dy projekte që e konfigurojnë skenën politike kosovare, janë negociatat e ardhshme me Serbinë dhe privatizimi neoliberal”.
Sipas Kurtit, edhe zgjedhjet e parakohshme po mbahen pasi duhet të legjitimohet kjo klasë politike, pasi që të dy projektet janë të dëmshëm për Kosovën.
Në këtë kontekst, kreu i Vetëvendosjes, theksoi se “plani i Ahtisaarit e zhveshi Kosovën nga sovraniteti dhe integriteti territorial dhe si e tillë Kosova nuk mund t’u bëjë ballë koncesioneve të ardhshme”.
Ndërkohë, që Kurti sqaroi se privatizimi neoliberal po e zhvesh Kosovën nga pasuritë e saj natyrore, pa vlerësuar në këtë çështje kombëtare faktorin vendor.
Kurti nënvizoi në këtë takim se koncepti politik i Vetëvendosjes është i tillë që vendimmarrja t’i takojë faktorit politik në vend, ndërsa faktori ndërkombëtar të jetë këshillues dhe ndihmues.
“Zhgënjimi i popullsisë duhet të shndërrohet në strukturë të organizuar përndryshe kalon në dëshpërim”, tha në fjalën e tij kryetari i Lëvizjes Vetëvendosja, Albin Kurti.
Lëvizja Vetëvendosja shpalli Këshillin e saj për Zhvillimin e Qendrës në Prishtinë, këshill që përbëhet nga 38 anëtarë të lëvizjes.
Adnan Preniqi – Inxh. i Makinerisë
Agron Hamiti – Inxh. i Elektroteknikës
Albulena Haxhiu – Juriste
Berat Lahu – Jurist
Dalip Limani – Prof. Dr. i Kirurgjisë
Dren Kukaj – Jurist
Drenushë Xhemajli – Studente në Univerzitetin Amerikan të Kosovës
Drtëro Nikçi – Audio Inxhinier
Flaka Dika – Prof. në Fakultet të Edukimit
Flamure Brajshori – Juriste
Hatixhe Latifi-Pupovci – Prof. në Fakultet të Mjekësisë
Hedvig Kadriu – Prof. Dr. Kardiolog
Igballe Malushaj – Dr. e specializuar për diabet
Isa Elezaj – Prof. Dr. i Biologjisë
Ismet Latifi – Inxh. i Elektroteknikës
Jusuf Demiri – Inxh. i Makinerisë
Kadër Veseli – Inxh. i Makinerisë
Kemajl Kurteshi – Prof. Dr. i Biologjisë
Kushtrim Kastrati – Ekonomist
Liridon Berisha – Inxhinier
Luljeta Selimi – Prof. E gjuhës dhe letërsisë shqipe
Lum Çitaku – Student në Universitetin Amerikan të Kosovës
Milot Rrustemi – Ekonomist
Mitat Salihu – Afarist
Nezir Myrtaj – Prof. i Fizikës
Nol Binakaj – Arkitekt
Petrit Ahmeti – Arkitekt
Rilind Gërvalla – Gazetar
Rushit Ramabaja – Shkrimtar
Shaban Xheladini – Profesor
Shemsi Rudari – Inxh. i Ndërtimtarisë
Sylejman Ahmeti – Inxh. i Informatikës
Sylejman Krasniqi – Inxh. i Elektroteknikës
Sylejman Pireva – Prof. i Gjuhës dhe Letërsisë Shqipe
Tahir Tahiri – Teknik i Ndërtimtarisë
Valide Destani – Arsimtare e Matematikës
Zana Maloku – Prof. e gjuhës Angleze
Zylfije Kastrati – Dr. e Dermatologjisë
mit/NOA