Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Hillari Klinton, nis sot turin e vizitave në Ballkan
English

Hillari Klinton, nis sot turin e vizitave në Ballkan

Beograd, 11 tetor, NOA – Gadishulli i Ballkanit do të ketë sot një mikeshë të veçantë, sekretaren amerikane të Shtetit Hillari Klinton, e cila ka ndërmarrë një vizitë të posaçme në disa vende të tij.

Siç bëhet me dije, axhenda e zyrtares së lartë amerikane në Ballkan nis me mbërritjen e saj të sotme në kryeqytetin boshnjak, Sarajevë, ku pritet që të takohet me autoritetet më të larta të Bosnjë-Hercegovinës.

Mësohet se në Sarajevë ajo do të marrë pjesë në ceremoninë e inaugurimit të godinës së re të ambasadës amerikane.

Ndërsa ditën e nesërme pritet që ajo të vizitojë Beogradin dhe pasnesër do të gjendet për një vizitë në Prishtinë.

"Pres me kënaqësi vizitat e mia në Beograd dhe Prishtinë dhe jo vetëm mundësinë për të biseduar me udhëheqësit e të dy vendeve, por edhe me qytetarët e tyre. Sepse është me rëndësi që qëllimi i asaj të ardhmeje të jetë i qartë në mendjet si të serbëve ashtu edhe të kosovarëve, sepse ekzistojnë çështje të vështira që ata duhet të zgjidhin. Bashkimi Evropian dhe Shtetet e Bashkuara janë të gatshme të ndihmojnë dhe të ndërmjetësojnë, të mbështesin dhe të vlerësojnë që palët të arrijnë marrëveshje me njëra-tjetrën. Por më në fund, u përket udhëheqësve dhe popujve të vendosin për të ardhmen e tyre”, ka cituar paraprakisht Klinton lidhur me vizitat e saj në Prishtinë dhe Beograd.

n.e/NOA

KOMENTE