Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Këshilli Rinor Shqiptar: Raporte kontraktuale mes universiteteve dhe studentëve
English

Këshilli Rinor Shqiptar: Raporte kontraktuale mes universiteteve dhe studentëve

Tiranë, 11 tetor, NOA - Këshilli Rinor Shqiptar përmes një deklarate ka përgëzuar sot nisjen e vitit shkollor universitar 2010-2011, duke i uruar institucionet shqiptare për punën e mirë të zhvilluar në drejtim të përmirësimit të strukturave arsimore, përgëzon studentët të cilët nisin sot studimet universitare, dhe duke u bërë thirrje për përkushtim më të madh ndaj realizimit të tyre në fushën akademike, si mundësi për të kontribuar në jetën e tyre dhe në cilësinë e shoqërisë shqiptare.

Duke ritheksuar arritjet në fushën e edukimit universitar, jo vetëm në drejtim të politikave dhe programeve të ndërmarra, por edhe në fuqizimin e teknologjisë online, si mjet i domosdoshëm për të siguruar cilësi, KRSH apelon për rritjen e pjesëmarrjes së studentëve në vendimmarrje, për të siguruar cilësi, transparence dhe fuqizim të demokracisë në administrimin e universiteteve shqiptare.

“Vlerësojmë rëndësinë që i është dhënë sistemit arsimor nëpërmjet buxhetimit gjithnjë në rritje, por pranojmë domosdoshmërinë për investime të mëtejshme në fushën e teknologjive online, në fushën e kërkimeve shkencore, si dhe nevojën për politika të rrepta për zhdukjen e korrupsionit, fenomen i cili afekton cilësinë dhe besimin ndaj këtyre institucioneve nëpërmjet një procesi transparent të administrimit të fondeve nga universitetet”, thuhet në këtë deklaratë.

Duke shtuar se Këshilli Rinor Shqiptar propozon vendosjen e marrëdhënieve kontraktuale midis universiteteve dhe studentëve për të mbrojtur studentët në raste mosmarrëveshjesh apo padrejtësish dhe për të siguruar një mënyrë të qëndrueshme për zgjidhjen e konflikteve midis palëve.

Për më tepër, duke vlerësuar zhvillimet aktuale në fushën e arsimit formal, procesin e përafrimit të legjislacionit me vendet e BE dhe zhvillimet e fundit për liberalizimin e vizave, KRSH njeh të tashmen, si moment kyç për finalizimin e Kartës së Studentit, e cila do të garantojë përfitimin e sa më shumë shërbimeve me kosto të ulët, në dobi të të rinjve shqiptarë.

n.e/NOA

KOMENTE