Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Në Kuvend, promovohet libri i Ylli Bufit “Tempulli i Demokracisë”
English

Në Kuvend, promovohet libri i Ylli Bufit “Tempulli i Demokracisë”

Tiranë, 12 tetor, NOA – Në mjediset e selisë së Kuvendit, u promovua sot libri i politikanit në karrierë, Ylli Bufi, ceremoni ku merrnin pjesë deputetë, personalitete të jetës politike, ambasadori i OSBE EugenVollfarth dhe përfaqësues të trupit diplomatik.

Në fjalën përshëndetëse, kryetarja e Kuvendit tha se libri është një kontribut dhe ndihmë shumë e rëndësishme për jetën parlamentare dhe për punën e deputetëve në veçanti.

Duke vlerësuar rolin e ish deputetit Bufi në arritje të veçanta të reformave parlamentare gjatë këtyre viteve, Topalli u shpreh:“Kujtoj periudhën e bashkëpunimit me projektin e OSBE, kur zoti Bufi bashkë me zotin Beja ishin bashkëpunëtorë kryesorë, në atë që ne kemi sot ligjin themelor se si funksionon Kuvendi i Shqipërisë, që është Rregullorja e Kuvendit të Shqipërisë".

Sipas saj, pa dyshim, vetë titulli i autorit flet shumë. Parlamenti, tempulli i demokracisë!

“Në fakt, Parlamenti, është tempulli i demokracisë, është zemra e demokracisë, është institucioni që mbart në vetvete së pari, rolin përfaqësues, së dyti, rolin e ligjvënësit, së treti rolin e kontrollit mbi pushtetet dhe agjencitë e tjera. Është një institucion, i cili në vendin tonë ka një histori jo shumë të gjatë, për fatin tonë të keq, të historisë sonë të palumtur”, tha ajo.

Ndërsa vetë Ylli Bufi shtoi se libri “ Tempulli i demokracisë”, do t’i shërbejë një reflektimi më të plotë rreth procedurave parlamentare, debatit politik dhe veprimtarisë së deputetëve, veçanërisht atyre të rinj në jetën parlamentare. Bufi në ekspozenë e tij, theksoi se "Shqipëria në këto momente historike integrimi evropian ka nevojë për konsensus politik për një reformë të thellë parlamentare, ku në qendër të jetë Parlamenti si tempull i demokracisë".

Aktivitetin e përshëndetën edhe personalitete të ndryshme, mes të cilëve dhe ambasadori i OSBE, Eugen Vollfarth, i cili e vlerësoi librin, si një kontribut i shquar për punën e deputetëve dhe stafit të Kuvendit.

n.e/NOA

KOMENTE