Paris, 14 tetor, NOA – Zbulohet enigma e gjuajtjes skandaloze me kokë që lojtari francez Zinedin Zidan bëri ndaj italianit Materazzi në finalen për Kupën e Botës 2006.
Më në fund, ajo goditje ofenduese që bëri xhiron e botës e ka një shpjegim, i cili është zbuluar nga gazetarja franceze, Lahouri.
"Para se të ndeshej kundër Italisë, Zidan ishte grindur me gruan e tij”, ka pohuar ai.
Besma Lahouri, gazetare franceze, autore e librit "Zidan, një jetë sekrete", ka treguar brenda tij një gjest të kampionit francez, shoqëruar me një aspekt personal.
"Një ditë më parë se të luhej finalja me Italinë, Zidan ishte grindur me gruan e tij për arsye private, - shpjegoi Lahouri, - dhe ditën e lojës nuk ka kryer ritet e besimit, ishte shumë i tensionuar dhe nervoz. Gjërat nuk ishin duke shkuar mirë në ekip, ai e humbi golin e dytë që ishte caktuar dhe gjithë inatin e tij e pagoi Materazzi, me një goditje në kokë". n.e/NOA
