Santiago, 14 tetor, NOA – Kthimi në sipërfaqe i minatorit kilian Johnny Barrios, ishte ndoshta ai më i veçanti, nga 32 minatorët e tjerë të cilët e panë dritën e diellit, pas plot 69 ditëve të ngujuar në thellësitë e galerisë pas shembjes.
E kjo pasi, në vend të përqafonte gruan e tij siç kanë bërë kolegët sa dilnin nga humbëtira, duke u takuar me familjen, ai ka përqafuar në sy të të gjithëve, madje edhe të presidentit kilian, dashnoren e tij.
Mediat raportojnë se kjo ka ndodhur pas grindjeve në javët e fundit mes saj dhe bashkëshortes së këtij minatori, se kush do ta mbante atë me të vërtetë.
E me të mbërritur në sipërfaqe, elektricisti ka përqafuar dashnoren e tij Susana Valenzuela, me të cilën ka lidhje jashtë-martesore që prej 4 viteve.
Duket se gruaja e tij, e lodhur nga “beteja”, e ka lënë të fitojë rivalen e saj.
n.e/NOA
