Uashington, 15 tetor, NOA - Shtëpia e Bardhë gjatë natës së sotme ka qenë e ndriçuar me ngjyrë të kuqe, për t’i bërë amerikanët më të ndjeshëm në kuadrin e luftës kundër kancerit të gjirit.
Qytetarët amerikanë kanë kundruar me kureshtje faktin sesi sfondi i godinës simbol të Shteteve të Bashkuara të Amerikës, u shndërrua në një rozë-të kuqe të këndshme gjatë natës, duke ndenjur për orë të tëra para saj.
Zëvendës-zëdhënësi i presidentit të SHBA-ve, Bill Burton, njoftoi me këtë rast se gjatë muajit, amerikanët do të përfshihen në një fushatë për parandalimin e kancerit të gjirit.
Ndërkaq, disa muaj më parë, sfondi i Shtëpisë së Bardhë kishte qenë me ngjyrë të gjelbër për festën kombëtare të Irlandës.
n.e/NOA
