Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Topi-Hant: Anglishtja, konsolidon lidhjet me Britaninë
English

Topi-Hant: Anglishtja, konsolidon lidhjet me Britaninë

Tiranë, 22 tetor, NOA - Presidenti i Republikës, Bamir Topi, priti sot paradite ish-anëtarin laburist të Dhomës së Lordëve të Mbretërisë së Bashkuar, baronin Filip Hant, i cili është njëkohësisht edhe Kryetar i Bashkimit Anglishtfolës.

Baroni Hant po zhvillon një vizitë në vendin tonë në kuadër të Konferencës Ndërkombëtare të Gjuhës Angleze.

Pasi i uroi mirëseardhjen personalitetit të lartë britanik me një përvojë të pasur në politikë, shkencë dhe në fushën administrative të shëndetësisë, presidenti Topi vlerësoi lart marrëdhëniet e shkëlqyera mes Shqipërisë me Britanisë e Madhe në të gjitha fushat.

Kryetari i shtetit shqiptar shprehu mirënjohjen për ndihmën dhe mbështetjen e vazhdueshme që qeveria e Britanisë së Madhe ka dhënë për konsolidimin e demokracisë dhe të institucioneve si dhe për mbarëvajtjen e proceseve integruese euroatlantike të Shqipërisë.

Gjithashtu, presidenti Topi theksoi se Britania e Madhe është për Shqipërinë një vend mik dhe një aleate e fuqishme në plotësimin e aspiratave integruese të popullit shqiptar.

Nga ana e tij, Lordi Hant falënderoi presidentin Topi për pritjen e ngrohtë dhe miqësore dhe theksoi mbështetjen e mëtejshme të palëkundur të Britanisë së Madhe për realizimin e aspiratave integruese të Shqipërisë.

Baroni Hant nënvizoi në këtë pikë rëndësinë e madhe që ka mësimi dhe përhapja në mënyrë të gjerë e gjuhës angleze për konsolidimin e mëtejshëm të lidhjeve dhe komunikimit mes popujve dhe vendeve tona mike.

n.e/NOA

KOMENTE