Vlorë, 27 tetor, NOA – Një grua dhe një vajzë, ndërsa shëtisnin nëpër mjediset e Qendrës Tregtare ‘Univers’ në Vlorë, janë kapur në flagrancë nga forcat e policisë dhe janë ndaluar menjëherë.
Fjala është për Shqiponja Lepuri, 52 vjeçe dhe Valbona Lepuri, 26 vjeçe; që të dyja banuese në Vlorë.
Siç konfirmohet nga burimet policore të qytetit jugperëndimor, ato janë arrestuar në flagrancë si të dyshuara për konsumim të veprës penale të “Vjedhjes në bashkëpunim”.
Konkretisht, ato janë ndaluar sepse në mjediset e Qendrës Tregtare e QTU-së, janë kapur në flagrancë duke tentuar të vjedhin në dyqanin “Gallope”, duke marrë një sasi veshmbathje.
Materialet iu kaluan prokurorisë së Tiranës për konsumim të veprës penale të parashikuar nga neni 134, 22 e 25 i Kodit Penal.
n.e/NOA
