Bruksel, 28 tetor, NOA – I parashikuar për t’u zhvilluar ditën e sotme, takimi i kryeministrit të Maqedonisë Nikolla Gruevski me homologun e tij grek Jorgos Papandreu, është shtyrë për ditën e nesërme.
Takimi Gruevski-Papndreu pritet me interes në Maqedoni sepse në një deklaratë të mëhershme kryeministri Gruevski tha se në bisedimet e ardhshme me palën greke ato do të jenë me thelbësore.
Ky është takimi i shtatë me radhë midis dy kryeministrave, por që nuk kontribuan në tejkalimin e mosmarrëveshjeve lidhur me gjetjen e një kompromisi për emrin.
Kryeministri Gruevski po qëndron për vizitë treditore në Bruksel, për të realizuar takime me zyrtarë të lartë të BE-së.
Ai dje zhvilloi një takim me presidentin e KE-së, Hoze Manuel Baroso, ka në qendër të vëmendjes ka qenë raporti vjetor i Komisionit Evropian për Maqedoninë, që pritet të shpallet më 9 nëntor.
n.e/NOA
