Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
ZMK: Jashtë ligjit Shoqata e Transportit Urban
English

ZMK: Jashtë ligjit Shoqata e Transportit Urban

Tiranë, 1 nëntor, NOA – Ndërsa sot qytetarët u përballën me mosnjohjen e aboneve në shërbimin e transportit urban, Shoqata për Mbrojtjen e Konsumatorëve ka kërkuar nxjerrjen jashtë ligjit të Shoqatës së Transportit Qytetës, ndalimin e bllokimit të aboneve në transportin publik në Tiranë dhe gjobitjen sipas ligjit për mbrojtjen e konkurencës të kompanive të transportit qytetës në Tiranë.

Sipas ZMK-së, ky vendim i cili nga 1 Nëntori i këtij viti bllokon njohjen e aboneve të udhëtarëve në linjat e transportit publik në Tiranë vjen si pasojë e mosmarrëveshjeve të kompanive të transportit publik me Bashkinë e Tiranës.

Duke iu referuar të dhënave, ZMK informoi se Bashkia e Tiranës ka kontratë me këto kompani ku njohja e aboneve është detyrim kontraktual dhe kjo nuk kushtëzohet me kompesime detyruese dhe as me subvencionime publike.

ZMK, theksoi se tashmë duhet Autoriteti i Konkurrencës që të hetojë mbi këtë çështje pasi Bashkia Tiranë në kundërshtim me ligjin dhe parimet e transparencës publike ka zhdukur çdo të dhënë mbi detyrimet kontraktuale, që kanë kompanitë e transportit publik në Tiranë, duke theksuar se këto të dhëna nuk gjenden më në faqen online të Bashkisë së kryeqytetit.

Shoqata për Mbrojtjen e Konsumatorëve konstatoi në deklaratën e kreut të saj, se Bashkia e Tiranës dhe Shoqata e Transportit Qytetës funksionojnë si dy palë, që nuk i ofrojnë publikut transparencë mbi detyrimet kontraktuale.

Madje ZMK, nënvizon se Bashkia e Tiranës ka influencën e saj në këtë Shoqatë pasi një agjenci aksionere (Parku i Transportit Urban të Udhëtarëve), ku Bashkia zotëron 100% të aksioneve është anëtare e kësaj shoqate të transportit qytetës.

Sipas të dhënave të mbledhura nga Shoqata për Mbrojtjen e Konsumatorëve rezulton se ka një marrëveshje të hapur dhe të institucionalizuar midis kompanive të transportit publik në Tiranë, e cila synon rritjen e çmimeve në treg në shkelje të plotë të legjislacionit shqiptar për mbrojtjen e konsumatorëve dhe mbrojtjen e konkurrencës.

Madje, ZMK, i bën thirrje Autoritetit të Konkurrencës të ushtrojë detyrën e saj pasi Shoqata e Transportit Qytetës, është një organizim i paligjshëm i biznesit me qëllim kontrollin e çmimeve në treg duke shkelur legjislacionin shqiptar për mbrojtjen e konsumatorëve dhe mbrojtjen e konkurencës dhe rasti më i fundit i mosnjohjes së aboneve është një fakt publik mbi veprimtarinë e kësaj shoqate.

mit/NOA
KOMENTE