Durrës, 5 nëntor, NOA – Në orët e djeshme të pasdites, në spitalin e Durrësit është sjellë në gjendje të rëndë shëndetësore një grua 55-vjeçare, banore e këtij qyteti.
Siç bëjnë me dijeni forcat policore të Durrësit, nga kryerja e veprimeve të para hetimore rezulton se kjo grua ka tentuar të vetëhelmohet duke pirë një sasi lënde helmuese.
Po kështu, paraprakisht rezulton se ajo që prej 30 vitesh vuante dhe kurohej nga ana shëndetësore.
Aktualisht, bëhet me dijeni se e dëmtuara ndodhet në spitalin ushtarak të Tiranës në gjendje të rëndë shëndetësore.
Ndërkaq, vazhdon puna për sqarimin e plotë të rrethanave të ngjarjes dhe materialet iu kaluan për ndjekje prokurorisë së Durrësit.
n.e/NOA
