Bruksel, 9 nëntor, NOA – Një ditë pas heqjes së vizave nga këshilli i Ministrave të Brendshëm të BE-së,, Komisioni Evropian pritet të bëjë publik pas pak minutash opinionin për statusin e Shqipërisë si vend kandidat për anëtarësimin në Bashkimin Evropian.
Sikundër mësohet raporti ndaj Shqipërisë përmban kritika për krizën politike në vend dhe pamundësinë e institucioneve për zgjidhjen e saj.
Raporti për Shqipërinë nënvizon se demokracia në Shqipëri është ende e dobët duke mos siguruar kështu një funksionim të mirë të institucioneve në vend.
Raportin pritet ta bëjë publik komisionari për Zgjerimin Stefan Fule.
Përgjigjja pritet të jetë negativ për Shqipërinë duke patur parasysh se kritikat e KE-së bëhen pikërisht për disa pika kyç që do të duheshin për të nisur negociatat për anëtarësimin në BE.
Sipas kritereve anëtarësimi në BE kërkon që shteti kandidat të përmbushë tërësisht kushtin për stabilitetin e institucioneve, që garanton demokracinë, shtetin ligjor, mbrojtjen e të drejtave të njeriut si dhe respektimin dhe mbrojtjen e pakicave kombëtare. Vijon...
mit/NOA