Tiranë, 10 nëntor, NOA – Një ditë para çeljes së panairit të librit, “Tirana 2010”, sot paradite në mjediset e Pallatit të Kongreseve, organizatorët e Panairit të Librit “Tirana 2010” informuan në një konferencë zyrtare për median programin për ditët e panairit, gjithashtu edhe risitë e surprizat e këtij edicioni.
Pjesëmarrës në këtë panair do jenë mëse 80 subjekte botuese shqiptare jo vetëm nga Shqipëria, por edhe Kosova e Maqedonia, të cilat përpos titujve të botuar ndër vite do sjellin edhe librat e rinj, që këtë vit janë më të paktë në numër se vitet e shkuara, për shkak të krizës botërore ekonomike, që ka prekur edhe botuesit shqiptarë.
Përgjatë ditëve të panairit do të mbahen disa forume, në të cilat do të diskutohet nga njerëzit e librit në Shqipëri dhe jo vetëm për një sërë problemesh të librit në shqip.
Gjatë ditëve të panairit do të organizohet edhe një takim i posaçëm mes Ministrit të Kulturës, Ferdinand Xhaferraj dhe botuesve shqiptarë, me pjesëmarrjen e përfaqësuesve të ‘Traduki’, rrjetit botues të letërsisë së Europës Juglindore dhe ballkanike, si dhe me pjesëmarrjen e veçantë të presidentit të Panairit të Lajpcigut, Oliver Zilli.
Ai është ftuar nga Shoqata e Botuesve Shqiptarë (SHBSH) për të qenë i pranishëm në mënyrë, që të njihet me letërsinë, autorët dhe kulturën shqiptare pas një kërkese, që i është bërë këtij panairi, që Shqipëria të jetë e ftuara e panairit të Lajpcigut të vitit 2012. Ky panair funksionon në sajë të tematikave të veçanta dhe SHBSH ka kërkuar, që tema e vitit 2012 të jetë “Shqipëria, botimet, autorët dhe shqipërimet tona”.
Presidenti i këtij panairi, O. Zille është ftuar posaçërisht për të marrë një vendim mbi këtë kërkesë.
Sipas kryetarit të SHBSH-së, Petrit Ymeri, tani mendohet se letërsia shqiptare e ka arritur pjekurinë për të qenë e ftuar e këtij panairi të rëndësishëm të librit, ndaj edhe është ftuar presidenti i tij për të parë situatën në Shqipëri.
Gjithashtu s’do mugojnë takimet me shkrimtarët e ftuar nga botuesit në stendat e panairit të librit ‘Tirana 2010’ dhe promovimet do jenë të shumta.
Ceremonia e hapjes së Panairit të Librit “Tirana 2010”, do të jetë të enjten, në 11 nëntor, në orën 18.00, në Pallatin e Kongreseve.
Programi i Panairit të Librit “Tirana 2010”:
E enjte, datë 11.11.2010
Ora: 18.00: Ceremonia e Çeljes së Panairit të Librit “Tirana 2010” nga Sabri Hamiti-Kim Mehmeti-Aurel Plasari
Më pas vizitë në stendat e panairit të Librit
E premte, datë 12.11.2010
Ora 11.00-12.00 : Paraqitje e librit “Ali Pasha”,
autor Irakli Koçollari.
Ora 12.00-13.00: Paraqitje e librit “Panteoni i
nëndheshëm”ose “Letërsia e dënuar”,
autor Visar Zhiti;
Shtëpia Botuese OMSCA-1.
Ora 18.00-19.00: Paraqitje e librit “Shansi i fundit i
Amerikës”, autor Zbignieë Brzezinski;
Shtëpia Botuese Helga`s Secret.
Ora 18.00 Ndarja e çmimeve të panairit.
E shtunë, datë 13.11.2010
Ora 11.00-13.00: Forumi i organizuar nga Shoqata e
Botuesve: Libri, Përkthimi dhe Gjuha;
- Probleme dhe synime.
Ora 13.00-14.00: Paraqitje e librit “Koha për të
menduar”, autor Giorgio Magnanti;
Shtëpia Botuese ERIK.
Ora 14.00-15.00: Paraqitje e librit “Në pasqyrën e
oksidentit”, autor Ensi Sulstarova.
Ora 15.00-16.00: Paraqitja e Projektit Traduki.
Ora 16.00-17.00: Lexim. Aktivitet i organizuar nga
Traduki.
Ora 17.00-18.00: Paraqitje e librit “Krijimtaria e Martin
Camaj”, autor Behar Gjoka;
Shtëpia Botuese Ombra-GVG.
Ora 18.00-19.00: Paraqitje e librit “Politika e gjuhës në
Shqipërinë socialiste”, autor Arshi
Pipa; Shtëpia Botuese Princi.
E diel, datë 14.11.2010
Ora 13.00-14.00: Paraqitje e librit “Artemisa e
Mëkatit”, autor Petrit Palushi;
Shtëpia Botuese Ombra - GVG.
Ora 17.00-18.00: Paraqitje e librit “Prozë dhe Vargje të
zgjedhura 3” dhe
-Havadan më havadan,
autor Mitrush Kuteli;
Shtëpia Botuese Kuteli.
Ora 14.00- 15.00: Paraqitje e librit “Letërsi e
painterpretuar”, autor Floresha Dado;
Shtëpia Botuese Bota Shqiptare.
Ora 16.00- 17.00 Paraqitje e librit “Etruskishtja”,
autor Niko Stillo.
m.s/mit/NOA
