Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Topi: Klasa politike të mbajë përgjegjësi për Progres-Raportin e KE
English

Topi: Klasa politike të mbajë përgjegjësi për Progres-Raportin e KE

Librazhd, 12 nëntor, NOA – Presidenti i vendit Bamir Topi ka bërë apel për përfaqësuesit e politikës shqiptare që të gjejnë gjuhën e përbashkët për kapërcimin e problemeve politike në vend.

Duke theksuar se mos marrja e statusit të vendit kandidat është një ecuri jo e mirë e procesit të integrimit të vendit, Topi ka kërkuar nga PD-PS dhe gjithë klasa politike “që të marrin përgjegjësitë politike për Raport-Progresin”.

Kreu i shtetit ka theksuar në fjalën e tij se vendosja e dialogut mes palëve do të shërbente dhe për gjetjen e një zgjidhje afatgjatë për situatën politikë në vend.

Ndër të tjera kreu i shtetit ka theksuar se nëse palët do të kishin gjetur gjuhën e dialogut më parë, sot vendi do të ishte në një situatë edhe më pozitive.

Deklarata e kreut të shtetit u bë sot nga qyteti i Librazhdit, gjatë takimit me drejtuesit lokalë të këtij qyteti dhe shoqërisë civile, institucioneve shtetërore dhe biznesin privat.

Kreu i shtetit u prit nga Librazhd nga Kryetari i Bashkisë, Kastriot Bega, dy deputetët e mazhorancës dhe opozitës, Brahim Çota dhe Taulant Balla, zëvendësprefekti i qarkut të Elbasanit, nga 11 kryetarë komunash dhe përfaqësues të pushtetit vendor, si dhe intelektualë, veteranë dhe mjaft qytetarë.

a.k/NOA

KOMENTE