Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
PD thotë se Edi Rama ka pasur 5 gra, flet për secilën prej tyre
English

PD thotë se Edi Rama ka pasur 5 gra, flet për secilën prej tyre

Tiranë, 15 Nëntor 2010 NOA/ Eglantina Nasi - Partia Demokratike tha sot se Edi Rama nuk e pati as të dytën e as të tretën, martesën e bujshme që bëri para pak javësh me Linda Xhillarin (Basha), por jo më pak se të pestën.

Në një deklaratë për shtyp, zëdhënësja e Partisë Demokratike, shfrytëzoi rastin të kritikojë qëndrimin e Ramës dhe ngulmoi që ai të kërkojë falje publike për akuzat e shprehura.

“PD shpreh shqetësimin dhe indinjatën e saj, pasi kryetari i PS-së, Edvin Rama duket se po feston muajin e mjaltit me shpifje dhe trillime të ulëta dhe amorale të përditshme, të publikuara në mediat pranë tij, për fëmijët dhe familjarët e Kryetarit të PD-së dhe Kryeministrit të vendit”.

Këtu PD i referohet lajmit të publikuar këto ditë se truproja i një personi VIP kishte plagosur me armë një kamerier te një lokal në dalje të Tiranës. Në fakt, Garda e Republikës pranoi se ai ishte efektiv i saj, por mohoi të ishte truproje i djalit të kryeministrit.

“Ju kujtojmë se disa javë më parë nga hotelet luksoze të Parisit, sulmoi pafytyrësisht djalin e Z. Berisha, pasi sipas tij kishte fituar 3 tendera, të cilat në të vërtetë ishin fituar ndershmërisht nga biznesmeni Shkëlzen Abdullah Berisha”, - thuhet në deklaratën e PD.

Kurse vijohet: “Ende pa kërkuar falje, dje shpifi në mediat e tij se një gardist i familjes së Kryeministrit kishte qëlluar me armë në lokal, ndërkohë që gardisti nuk ishte pjesëtar i ekipit që ruan Kryeministrin në zyrë apo në shtëpi”.

Në vijim, PD kritikon dhe përfoljet në disa media sipas të cilave po përgatitet divorci i vajzës së kryeministrit: “Po dje Rama tentoi të ngrinte thashethemnajën për vajzën dhe dhëndrin e Kryeministrit, prindër të katër fëmijëve të moshës 4-muajshe deri në 13 vjeç”.

Në këtë pikë, PD vlerëson se “me sulme të tilla amorale z. Rama, Mr 20 % mendon se mund të largojë sadopak vëmendjen nga përqindjet dhe të lajë me trillime, historitë e tij çnjerëzore dhe domethënëse me serinë e grave që ka patur”.

Menjëherë më pas vijnë dhe akuzat e nxehta:

“Shqiptarët e dinë dhe e kanë të faktuar, se Z. Rama të parën e flaku me akuza monstruoze në spitalin psikiatrik.

Të dytën e shëtiti në plazhet nudo të botës, të tretën e largoi të lemeritur si person i padëshirueshëm nga Shqipëria, të katërtën e trajtonte shtazërisht në ambiente publike.

Ndërsa me të pestën që mesa duket mund ta shijojë vetëm duke shpifur dhe trilluar për fëmijët dhe familjarët e kundërshtarëve politikë, i urojmë të mos ketë fatin e grave të tjera”.

Kurse në përfundim, PD i bën një kujtesë z.Rama: “Tre ditë më parë nën siglën e “ndryshimit tuaj”, Z. Rama ju konfiduat përpara deputetëve socialistë se ju kanë baltosur e dhunuar jetën private. Si guxoni ta deklaroni këtë kur ju arrini të përdhosni jo vetëm ndershmërinë, por edhe tërësinë e familjeve shqiptare”.

Dhe në mbyllje, përsëritet thirrja: “Partia Demokratike, Z. Rama, vijon të kërkojë që ju i detyroheni këtyre njerëzve e qytetarëve të ndershëm, falje publike”.

e.r/NOA

KOMENTE