Warning: file_get_contents(https://www.njoftime.net/service/xml-last-ads/): failed to open stream: Connection refused in /var/www/vhosts/lajme.gen.al/httpdocs/v2/site/controllers/genel.php on line 1153
Kalon në kuvend me 71 vota pa opozitën, ligji Për Artin dhe Kulturën
English

Kalon në kuvend me 71 vota pa opozitën, ligji "Për Artin dhe Kulturën"

Tiranë, 18 nëntor, NOA - Kuvendi i Shqipërisë ka kaluar me 71 vota pro, ndërsa opozita nuk mori pjesë në votim projektligjin për artin dhe Kulturën.

Ligji i ri parashikon që buxheti të kalojë nga ministria në Qendrën Kombëtare të Artit dhe Kulturës, e cila ka një bord, që propozohet nga titullari i institucionit.

Pika e fundit e diskutimeve mbeti ankesa për financimin e projekteve dhe veprimtarive artistike kulturore.

Ministria e Turizmit, Kulturës Rinisë dhe Sporteve financon nga fondi buxhetor "projekte artistike e kulturore me synim ruajtjen e trashëgimisë dhe vlerave kombëtare në funksion të politikave kulturore të përvitshme, si festivale, konkurse kombëtare, veprimtari jubilare, promovime dhe botime kolonash."

Në diskutimet e fundit në komisionin e Edukimit dhe Medias deputetja Luiza Xhuvani: theksoi se “Projektligji nuk artikulon artet vizuale; nuk reformon institucionet; dhe ka një globalizëm të ekzagjeruar; e vetmja risi është Teatri i Komedisë; ndërsa Teatri Kombëtar mbetet në atë status të turpshëm për vlerat që përfaqëson”.

Por, si ministri Xhaferraj dhe deputetë të mazhorancës e artistë e quajnë ligjin reformues, sepse u jep mundësi subjekteve të private të konkurrojnë.

mit/NOA
KOMENTE