Tiranë, 18 Nëntor, NOA - Mbrëmë forcat e policisë së Tiranës, bënë të mundur arrestimin në flagrancë të Faik Kurtit, 58 vjeç, lindur në Lushnjë dhe banues në Tiranë, i dënuar më parë për prodhim dhe shitje të lëndëve narkotike.
Arrestimi i tij u bë në kuadër të procedimit penal të vitit 2010, pasi ky person u kap dje rreth orës 15.00, në Rrugën e Kavajës, me 6 gram, bimë narkotike, të llojit heroinë, e cila u sekuestrua në cilësinë e provës materiale.
Materialet hetimore të përpiluara në ngarkim të tij i kaluan prokurorisë së Tiranës për konsumim të veprave penale të “Prodhimit dhe shitjes së lëndëve narkotike”, parashikuar nga neni 283/2 i Kodit Penal.
mit/NOA