Kavajë, 18 nëntor, NOA – Ndërsa ka shkaktuar një tragjedi të vërtetë duke shtypur për vdekje dy gra me makinë, një i ri është vetëdorëzuar në polici në një gjendje mjaft të rëndë psikologjike, për të cilën është edhe duke u ndjekur nga një psikolog.
Fjala është për Bledar Tivarin nga Durrësi, i cili ka rrëfyer në polici se ishte në gjendje shoku pasi shtypi dy gratë dhe prandaj, u largua nga vendngjarja.
Aksidenti fatal ndodhi dje në unazën e qytetit të Kavajës, në aksin Kavajë-Rrogozhinë ku nga përplasja me automjetin tip Golf, kanë mbetur viktima dy gratë me emrat Hasa Xhani, 64 vjeç dhe Valentina Larushi, 41 vjeç; që të dyja banore të Kavajës, te cilat kanë qenë duke ecur në anë të rrugës.
n.e/NOA
