Tiranë, 27 nëntor, NOA – Pas akuzave të prefektit të Tiranës, Keltis Kruja, i cili në një dalje të sotme publike zbardhi deklaratat e kreut të Bashkisë së Tiranës, në një televizion publik, ka reaguar edhe Bashkia e kryeqytetit përmes një deklarate për shtyp, ku prefekti cilësohet si një zyrtar qesharak, që nuk din se ç’farë thotë.
Bashkia thekson se “Prefekti i Tiranës na bën të qeshim. Ai flet po nuk di se ç’farë thotë”.
Sipas Bashkisë së Tiranës, prefektin Kruja nuk e ka akuzuar askush për bllokimin e vendimeve të KRRT-së së Tiranës, pasi gjithkush në bashki e di që prefekti nuk mund të jetë pjesë e KRRT-së dhe as të marrë ndonjë vendim për vendimet e saj.
Në këtë kontekst, Bashkia e Tiranës duke marrë në mbrojtje shefin e saj, Edi Rama sqaron se deklaratat e prefektit të Tiranës, Keltis Kruja janë absurde, duke nënkuptuar se ai e akuzon Bashkinë për qëllime politike, që afërmendsh të çojnë pikërisht tek kupola e qeverisë, dora vetë kryeministri Sali Berisha.
mit/NOA