Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
PD: Rama kërko falje që nuk votove tunelin dhe autostradën Tiranë - Elbasan
English

PD: Rama kërko falje që nuk votove tunelin dhe autostradën Tiranë - Elbasan

Tiranë, 27 nëntor, NOA – Partia Demokratike ka kërkuar sot nga kryetari i PS-së Edi Rama që t’u kërkojë falje qytetarëve të Elbasanit për votimin kundër të PS-së ndaj buxhetit dhe ndërtimit të rrugës, Elbasan-Tiranë.

Zëdhënësja e PD-së, Albana Mustafaraj tha sot se kreu i PS-së doli kundër një projekti që do të sjellë shkurtimin e kohës për udhëtimin mes dy qyteteve.

“Ju kujtojmë vetëm ditën e enjte, grupi parlamentar i Partisë Socialiste u urdhërua të votojë kundër tunelit dhe autostradës që lidh Tiranën me Elbasanin, dhe që shkurton me rreth 70 % kohën midis këtyre 2 qyteteve dhe që madje do të kursejë për çdo qytetar të zonave nga Skrapari, Korça, Leskoviku, Gramshi etj, pothuaj një orë në udhëtimin e tyre drejt Tiranës”, tha zëdhënësja e PD.

NË deklaratën e PD theksohet dhe qëndrimin që ka mbajtur për vizat dhe për integrimin e vendit Partia Socialiste.

“Z. Rama ju dhe grupi juaj parlamentar përpara se të shpalosni strategjinë e krizës tuaj personale e të mblidhni protestat tuaja antivizë, kërkoni falje për antizhvillimin që ju e vulosni me votën tuaj kundër tunelit dhe autostradës që do t’i japë qytetarëve shqiptarë jo vetëm lehtësim të lëvizjeve të tyre, por edhe zhvillim të zonave ku jetojnë e punojnë”, thuhet në deklaratën e PD.

Nga ana tjetër PD-ja akuzuar kreun e PS-së dhe për shpenzimet që bënë për veshje.

“Partia Demokratike i kërkon këtij bllokmeni të mos qeshë, por të paktën të skuqet kur shfaqet përpara të pranishmëve duke demonstruar shtrenjtësinë e pardesysë së tij Brioni, apo edhe këpucëve që i mbajnë sheikët e naftës e bosët e narkotikëve”, thuhet në deklaratën e PD.

a.k/NOA

KOMENTE