Prishtinë, 6 dhjetor, NOA – Përfaqësuesit e komunitetit serb në Kosovë duhet që të marrin pjesë në zgjedhjet e 12 dhjetorit.
Një thirrje të tillë e ka bërë sot ushtruesi i detyrës së presidentit të Kosovës, Jakup Krasniqi.
Ai i ka ftuar serbët e Kosovës në këtë mënyrë të bëhen pjesë e procesit të reformave në shtetin më të ri të Evropës.
“Me hedhjen e votës, pakica serbe do të shfrytëzojë të drejtën e saj për të qenë pjesë e institucioneve”, ka thënë Krasniqi.
Suke shprehur më pas keqardhje për thirrjet e Beogradit zyrtar, që serbët të mos dalin në zgjedhjet parlamentare të Kosovës.
n.e/NOA
