Tiranë, 7 dhjetor, NOA Update – Në mbledhjen e Grupit Parlamentar të Partisë Socialiste nuk kanë munguar dhe batutat dhe akuzat për sulmet politike që u janë bërë socialistëve nga mazhoranca gjatë ditëve të fundit.
Përmbytjet, raportim minutë pas minuteDeputeti i Lezhës, Gjok Jaku hodhi poshtë akuzat e bëra nga përfaqësuesit e mazhorancës, Sokol Olldashi dhe Edi Paloka, të cilët kanë deklaruar se socialistë nuk kanë vizituar zonat e përmbytura prej një javë.
Jaku është ndalur konkretisht në zonën e argjinaturës së Torovicës, ku ka theksuar se ka ndjekur nga afër dhe ka dhënë ndihmën përpara se atje të shkonin deputetët e mazhorancës, apo përfaqësuesit vendor.“Në mënyrë apsolute nuk është ndërhyrë asnjëherë në pjesën e Torovicës. Unë kam qenë që në ditët e parë të përmbytjes, në kohën kur deputeti i PD-së gjuante rosa në liqen”, tha në mbledhjen e Grupit Parlamentar të PS-së, deputeti Gjok Jaku.
Ai është ndalur në faktin se situata në Torovicë u bë alarmante që me përmbytjen e parë të janarit.
Jaku ka theksuar se gjatë kësaj kohe nuk është marrë asnjë masë. “Nëse do të ishte parë riparimi i asaj argjinature sot nuk do të ishim në ethet e atij terrori”, tha Jaku.
Nga ana tjetër, Jaku ka theksuar se duhet të mbahet përgjegjësi edhe për hapjen e portave të digave, të cilat rrezikuan jetën e banorëve të zonës.
“Ajo që dua të theksoj është lëshimi i 2 mijë m3 ujë në sekondë nga hidrocentralet. Dikush duhet të mbajë përgjegjësi për hapjen e papritur të gjithë asaj mase uji, që bllokoi rrugën, por edhe rrezikoi jetën e banorëve që po shfrytëzonin rrugën nga Miloti në Kukës”, tha sot Jaku.
a.k/NOA
