Londër, 8 dhjetor, NOA – Themeluesi i faqes së internetit aq të diskutueshme në botë ditët e fundit, Wikileaks, mbetet ende në mjediset e paraburgumit në Angli, pa patur të drejtën që të lirohet me kusht.
Ka qenë një gjykatë në Londër, e cila refuzoi lirimin me kusht të tij, ndërsa pritej që të dilte nga qelitë e paraburgimit.
Ka qenë Suedia e cila ka ngritur akuza për përdhunim ndaj tij dhe për këtë i paraqiti edhe një kërkesë të posaçme Interpolit, i cili më pas u mor me arrestimin e tij direkt në Londër.
Një akt i tillë ka ndodhur menjëherë pas publikimeve më të fundit në faqen Wikileaks, të cilat u përkisnin korrespondencave të diplomatëve amerikanë.
Gjë e cila nuk u prit aspak mirë nga Shtetet e Bashkuara të Amerikës, por edhe qarqet e ndryshme të diplomacisë në mbarë botën.
n.e/NOA
