Tiranë, 10 dhjetor, NOA – Në muajin e fundit të qëndrimit në Tiranë, ambasadori Spanjoll, Manuel Montobio ka nisur zhvillimin e një sërë takimesh me drejtuesit e institucioneve kryesore në vend.
Sot Montobio është takuar me ministrin e Mbrojtjes, Arben Imami. Ministri Imami e falenderoi dhe vlerësoi ambasadorin Montobbio për punën dhe kontributin e tij gjatë viteve që shërbeu si ambasador i Spanjës në vendin tonë.
Në mënyrë të veçantë, Imami shprehu vlerësime për bashkëpunimin e ngushtë që ka patur me Ministrinë e Mbrojtjes dhe strukturat e Forcave tona të Armatosura dhe për përkrahjen që Spanja i ka dhënë Shqipërisë në rrugën e integrimit të saj euroatlantik.
Nga ana e tij, Manuel Montobbio falenderoi ministrin Imami për pritjen që i rezervoi, si dhe për vlerësimet që i bëri punës dhe kontributit të tij gjatë kryerjes së misionit të tij si ambasador i Spanjës në Tiranë.
Ambasadori Montobbio shprehu edhe njëherë mbështetjen e vazhdueshme të qeverisë spanjolle ndaj Shqipërisë dhe forcave të saj të armatosura në përmbushjen e objektivave madhore drejt integrimit europian.
a.k/NOA
