Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Aksident në rrugën Gjirokastër-Tepelenë, dy të vdekur
English

Aksident në rrugën Gjirokastër-Tepelenë, dy të vdekur

Gjirokastër, 11 dhjetor, NOA Update – Dy persona kanë humbur jetën ditën e sotme gjatë në një aksidenti të ndodhur në rrugën Gjirokastër – Tepelenë. Korrespodenti i Agjencisë NOA raporton se bëhet fjalë për një studente nga Burreli, Altea Balliu, 20 vjeçe e cila udhëtonte në makinën tip “BMW” me targa TR 30 76 T dhe drejtuesin e mjetit Ardian Mamo, 29 vjeç nga lagjia Manalat Gjirokastër.

Ngjarja ka ndodhur mëngjesin e sotëm rreth orës 04.50. Aksidenti ka ndodhur në afërsi të fshatit Mashkullorë. Mendohet se si pasojë e shpejtësisë së madhe, automjeti ka dalë nga rruga dhe nga përplasja e fortë me murin anësor tër rrugës kanë gjetur vdekjen dy personat.

Forcat e Policisë kanë shkuar menjëherë në vendngjarje pas sinjalizimit. Drejtuesi i mjetit Mamo kishte gjetur vdekjen e menjëhershme. Ndërsa vajza 20-vjeçare ishte ende në jetë.

Korrespodenti i Agjencisë NOA raporton se policia ka bërë dërgimin e menjëhershëm të saj në Spitalin Rajonal të Gjirokastrës , “Omer Nishani”, me qëllim për t’i dhënë ndihmën e parë.

Por plagët e marra nga përplasja e mjetit e kanë bërë të pamundur shpëtimin e 20 vjeçares. Atlea Balli ka vdekur rreth orës 06:00 të mëngjesit të sotëm në ambientet e spitalit të Gjirokastrës.

Hetimet e deritanishme të aksidentit vlerësojë se shkak i përplasjes ka qenë shpejtësia e madhe dhe humbja e kontrollit të mjetit.

a.k/NOA

KOMENTE