Nju Jork, 21 dhjetor, NOA – Në Shtetet e Bashkuara të Amerikës është në rënie numri i dënimeve me vdekje nga drejtësia. Sipas mediave amerikane ulja e numrit nuk ka të bëjë me një politikë më humaniste, por me rritjen e çmimit të helmit që përdoret për injeksionin vdekjeprurës.
Lajmi është konfirmuar nga raporti vjetor i Qendrës së Informimeve për Dënimet me Vdekje në SHBA. Sipas studimit kriza ekonomike ka bërë që të blihet më pak ilaç për injeksion.
Në vitin 2010, sipas studimit, numri i ekzekutimeve me vdekje në burgje ka rënë me 12 për qind.
Kjo është për qindja më e ulët që kur dënimi me vdekje u reduktua në disa shtete të SHBA-ve, në vitin 1976.
a.k/NOA
