Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
55-vjetori i Estradës së Vlorës, Presidenti dekoron artistët
English

55-vjetori i Estradës së Vlorës, Presidenti dekoron artistët

Vlorë, 24 dhjetor, NOA - Me rastin e 55-vjetorit të krijimit të Estradës Profesioniste të Vlorës, presidenti i Republikës, Bamir Topi, vizitoi dje qytetin bregdetar, ku ishte i pranishëm në ceremoninë zyrtare të dekorimeve me rastin e 55-vjetorit të kësaj estrade.

Në emër të intelektualëve dhe artistëve të qytetit, përshëndeti Drejtori i Teatrit, Dhimitraq Furxhi, i cili, fillimisht i uroi Presidentit Topi mirëseardhjen në qytetin e Vlorës dhe e falenderoi për praninë në përvjetorin e njërit prej institucioneve më të rëndësishme të artit, që për vite me radhë, ka dhënë një kontribut të veçantë në përçimin dhe evidentimin e vlerave artistike të qytetit, si dhe në pasurimin e jetës kulturore të artdashësve vlonjatë.

Më pas, përshëndeti Kryetari i Bashkisë, Shpëtim Gjika, i cili, ndër të tjera vuri në dukje rëndësinë e vizitës së Presidentit në këtë aktivitet përkujtimor artistik dhe nderimin e vlerësimin e veçantë që i bëhet Vlorës dhe qytetarëve të saj nga prania e Presidentit të Republikës.

Më tej u këndua një kolazh me këngë popullore vlonjate të shoqëruara nga orkestrina dhe u shfaq një dokumentar i shkurtër i titulluar “Homazh për artistët, që nuk jetojnë më”. Gjithashtu në këtë 55-vjetor të Estradës Profesioniste, Këshilli i Bashkisë u akordoi titullin “Qytetar Nderi i Vlorës” disa prej artistëve vlonjatë. Në përfundim u zhvillua ceremonia zyrtare e dekorimit të njëmbëdhjetë personaliteteve të njohura të skenës së Estradës Profesioniste të qytetit të Vlorës.

n.e/NOA

KOMENTE