E premte, 24 dhjetor, NOA-Mijëra besimtarë kanë mbërritur në vendin e Krishtlindjes, Betlehem.
Qyteti i lindjes së Krishtit ka sot vizitorët më të shumtë nga gjithë ditët e tjera të vitit.
Me mijra janë pelegrinët që janë mbledhur pikërisht në kishën “Lindja e Krishtit”, të cilën të krishterët e konsiderojnë si vendi ku lindi Jezusi 2000 vjet më parë.
Aq sa i madh është numri i pelegrinëve, po aq janë marrë masa nga autoritetet e sigurisë së Palestinës, të cilët janë vendosur përreth turistëve për të shmangur çdo incident të mundshëm.
Në mesnatë do të mbahet mesha e shenjtë, moment që për besimtarët dhe banorët e Betlehemit shënon kulmin e festës.
Papa Benedikti i XVI i ka bërë thirrje besimtareve të kujtojnë lindjen e Krishtit dhe rendësinë që ka kjo festë për mbarë botën.
