Jerusalem, 30 dhjetor, NOA - Një gjykatë në Izrael ka shpallur fajtor ish-presidentin Moshe Katsav, i cili ishte akuzuar për përdhunimin e një punonjëseje të tij.
Gjykata e dënoi Moshe Katsav edhe për ngacmime seksuale dhe sjellje të pahijëshme ndaj dy grave të tjera. Paneli i përbërë prej tre gjyqtarësh tha se dëshmia e z.Katsav kishte qenë e mbushur me gënjeshtra.
Dënimi do të shpallet në një datë tjetër por akuzat për përdhunim përgjithësisht dënohen me 4 vjet burg në Izrael.
Katsav ka të drejtë të apelojë vendimin. Akuzat kanë të bëjnë me periudhën kur ai ishte ministër i turizmit dhe më pas president.
Dy vjet më parë Katsav u tërhoq nga një marrëveshje për pranimin e fajësisë, raporton BBC.
NOA
