Uashington, 1 Janar 2011 - Presidenti
amerikan, Barak Obama, e ka shpallur qëllimin e tij për Vitin e Ri 2011, e ky
është ripërtëritja e ekonomisë së Shteteve të Bashkuara.
Në fjalimin e tij javor, zoti Obama ka premtuar se do të bëjë çdo gjë të
mundshme për “rritjen e ekonomisë sonë, krijimin e vendeve të punës dhe
forcimin e klasës sonë të mesme”.
Papunësia gati 10% dhe pakënaqësia lidhur me politikat ekonomike të zotit
Obama, e kishin ndihmuar fitoren e republikanëve në zgjedhjet e mesmandatit për
Kongres, në muajin nëntor.
Tashmë republikanët do të kenë shumicën në Dhomën Përfaqësuese, ndërsa
demokratët në Senat, evidenton radio Free Europe.
Presidenti Obama u ka bërë thirrje demokratëve dhe republikanëve, që të punojnë
së bashku gjatë këtij viti dhe ta ndajnë përgjegjësinë për lëvizjen e vendit
përpara.
