Gjakovë, 3 Janar 2011 NOA – Një fshat i tërë ndodhet në terr ndërsa punonjësit e KEK-ut po punojnë për rikthimin e energjisë, pasi hajdutë të papërngjegjshëm vodhën kabullin elektrik.
Korrespondenti i agjencisë NOA raporton se ngjarja që ka lënë pa drita në fillim të këtij viti që hyri, ka ndodhur në fshatin Rogovë në Gjakovë.
Banorët kanë raportuar rastin jo vetëm tek KEK-u por edhe tek policia duke kërkuar ndihmë.
Një grup hetimor që shkoi në vendngjarje, konstatoi se nga persona te panjohur është vjedhur rreth 350-400 metra kabllo elektrike te tensionit të lartë me te cilën furnizohej me rrymë i tërë fshati Rogovë.
Policia tha se po kërkon përgjegjësit e kësaj vjedhjej që la fshatin pa drita.
a.b/NOA
