Trajneri i klubit futbollistik Real të
Madridit, Hoze Murinjo është shpallur trajner i vitit për sezonin e kaluar. Murinjo i siguroi titujt e trefishtë me Interin, titullin e Kampionit të
Evropës, vendin e parë në kampionatin italian Seria A, dhe Kupën e Italisë.
Portugezi 47 vjeçar, i njour si "Speciali", ishte në garë me selektorin e kombëtares spanjolle Visente del Boske dhe trajnerin e Barcelonës, Pepe Guardiola.
Sakaq, Marta është shpallur futbollistja e vitit 2010. Sulmuesja e kampionit Amerikan FC Gold Pride u nderua të hënën në Zyrih nga FIFA. Marta merr këtë titull për të pestën herë me rradhë. 24 vjeçarja braziliane doli mbi dy kandidatet e tjera, lojtaret e kombëtares gjermane, Birgit Prinz të 1. FFC
Frankfurt dhe Fatmire Bajramaj nga Turbine Potsdam. Votimi u krye në mbarë botën nga gazetarët, si dhe kapitenet dhe trajnerët e ekipeve kombëtare.
