Tiranë, 11 janar, NOA - Rakordimi i qëndrimit zyrtar që do të mbajë Shqipëria në Asamblenë Parlamentare të Këshillit të Evropës, lidhur me raportin e Dik Martit, është qëllimi i mbledhjes së pritshme të delegacionit shqiptar të Këshillit të Evropës, sot në mjediset e Kryesisë së Kuvendit.
Siç bëhet me dije paraprakisht për agjencinë e Lajmeve NOA, pritet që gjatë kësaj mbledhje, delegacioni i Shqipërisë në Këshillin e Europës të diskutojë në lidhje me strategjinë që do të ndiqet në Asamblenë tij kundër raportit të Dik Martit për trafikun e organeve në Kosovë.
Raporti i Martit pritet të kalojë për votim në 25 janar në Asamblenë e Përgjithshme të Këshillit të Europës.
n.e/NOA
