Zyrih, 12 janar 2011, NOA- Komisioni për Politikë të Jashtme i Parlamentit të Zvicrës ka diskutuar dy ditë rresht rreth raportit të anëtarit të Parlamentit të Zvicrës, njëherësh anëtar i Asamblesë së Përgjithshme të Këshillit të Evropës, Dick Marty. Agjencitë zvicerane të lajmeve kanë njoftuar që Parlamentari i FDP-së zvicerane nga Tesini, në raportin e tij ka bërë akuza të rënda në drejtim të Kryeministrit në largim të Kosovës, Hashim Thaçit kurse ky i dyti i ka hedhur poshtë dhe i ka quajtur si të pavërteta dhe monstruoze vlerësimet e Martyt. Ky komision nuk ka pranuar të shprehet rreth raportit të Martyt për Kosovën duke arritur kështu tek përfundimi që ky Komision do të shprehet për këtë raport vetëm pasi ta ketë dëgjuar Martyn. a.y/NOA
