Milano, 19 Janar NOA - Dëmtime, rendiment jo konstant, një sjellje jo siç duhet në fushën e lojës dhe disa fjalë të tepërta në sjelljet jashtë saj.
Bëhet fjalë për sulmuesin brazilian të Milanit, Alexandre Pato i cili duhet thënë se pas tre vitesh, që kur ka debutuar me Milanin nuk është ndër personat më të lumtur në këtë skuadër
Dhe pse ai nga të gjithë tifozët vazhdon të konsiderohet si një talent, aktualisht mund të themi se drejtuesit kuq e zinj nuk janë të të njëjtit mendim, pasi ai nuk konsiderohet më një lojtar i palëvizshëm.
Tashmë një shkëmbim i tij po bëhet gjithnjë e më i mundshëm, pasi orët e fundit pikërisht një i tillë me sulmuesin italian të City Mario Balotelli, vazhdonte marrë gjithnjë e më shumë formë.
r.b/NOA
