Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
S’i ndaloi policisë, fshihte automatik në kamionçinë
English

S’i ndaloi policisë, fshihte automatik në kamionçinë

Lezhë, 19 janar, NOA - Forcat “RENEA” të cilat ndodheshin në një postbllok, i kanë bërë thirrje një shoferi që të ndalonte, por ai nuk u është bindur atyre dhe ka shtuar shpejtësinë e automjetit tip “IVECO” kamionçinë me targa KR 2118 A, me të cilin udhëtonte.

Duke u larguar, ai ka hedhur nga dritarja e automjetit nje thes në të cilin rezultoi se kishte, 1 automatik model 56 me 1 krehër me 3 fishekë model 56 të cilët i mbante pa leje.

Ngjarja konfirmohet nga burimet policore të Lezhës për agjencinë e Lajmeve NOA, sipas të cilave, personi që ka kryer këtë akt mosbindje ndaj policisë është 28-vjeçari

Tom Vuka, banues në Fushë Mamurras të Kurbinit.

Mësohet se ai u kap dje në qytetin e Rrëshenit, në vendin e quajtur Ura e Fanit dhe në cilësinë e provës materiale iu sekuestrua arma e zjarrit, së bashku me automjetin tip “IVECO” kamionçinë.

U kryen veprimet e para hetimore dhe proceduriale lidhur me ngjarjen dhe materialet do t’i referohen prokurorisë së Lezhës për veprën penale të “Prodhimit dhe mbajtjes pa leje të armëve dhe municioneve luftarake” e “Mosbindjes ndaj urdhrave të punonjësve të policisë së rendit publik” parashikuar nga nenet 278/2 dhe 242 te Kodit Penal, në ngarkim të Tom Vukës.

n.e/NOA

KOMENTE