Tiranë, 20 janar, NOA – Situata politike në vend ka arritur shkallën më të lartë të akuzave. Deputeti i Partisë Demokratike, Luçiano Boçi tha sot në media se kreu i PS-së, Edi Rama është personi që manipuloi videon duke u përpjekur të implikojë kryeministrin Sali Berisha në afera korruptive.
“Duke prerë mbi 30 sekonda videon, bllokmeni çimkë, për të krijuar prova të rreme për Kryeministrin e vendit, ky bastard i bllokut, ripërsërit aktet e të jatit biologjik, Kristaq Rama, që firmoste ekzekutimin dhe varjen e kundërshtarit të pafajshëm politik edhe pas rënies së Murit të Berlinit”, tha sot Boçi.
Deputeti i PD-së u shpreh se emri i kryeministrit, në videon në fjalë është përmednur për zbatimin e marrëveshjes mes PD dhe LSI.
“Edvin Kristaq Çimka, edhe pasi mediat transmetuan pjesët e prera të videos dhe faktuan se zoti Meta bënte fjalë thjesht për kërkesën paraqitur Kryeministrit për zëvendësimin, në përputhje me marrëveshjen PD-LSI, të Drejtorit të KESH-it, mbrojti krimin e tij të shëmtuar të krijimit të provave kundër Kryeministrit, duke ju deklaruar shqiptarëve se video nuk është e montuar”, tha Boçi.
Ai përmendi dhe akzuat që kanë të bëjnë me jetën familjare të kreut të PS-së.
“Duke krijuar prova të rreme për Kryeministrin, pinjolli i bllokut, që 22 vjet më parë, sipas dosjes së Gjykatës së Tiranës të botuar në gazetë nga bashkëpunëtori i tij më i ngushtë i sotëm, ka akuzuar të jatin, Kristaqin, si baba të djalit të vet, por që vet nuk do të pranonte të bënte analizën për t’i saktësuar atësinë edhe të birit dhe faktuar akuzën e tij, njëlloj edhe sot, edhe pasi mediat faktuan montimin e tij duke provuar se në 30 sekondat e prera bëhej fjalë për emërime në krye të KESH-it, në vend të Muharrem Stojkut, Engjëll Zeqon në drejtorinë e KESH-it, dhe jo për një hidrocentral, vazhdon të mbrojë videon, u deklaron shqiptarëve se video nuk është e montuar”, tha ai.
a.k/NOA
