Prishtinë, 21 janar, NOA – Sot mbushen plot pesë vjet prej ndarjes nga jeta të ish-presidentit kosovar, Ibrahim Rugova, i cili vdiq më 21 janar 2006, pasi humbi betejën nga kanceri në mushkëri.
Lidhur me këtë përvjetor, Lidhja Demokratike e Kosovës do të organizojë një përkujtimore të veçantë për presidentin e parë të Kosovës, i cili ka qenë në të njëjtën kohë edhe kreu i saj.
Vdekja e Presidentit Ibrahim Rugova është pritur me dhembje e pikëllim të madh në Prishtinë në mbarë Kosovën, ndërsa në funeralin e tij morën pjesë personalitete nga mbarë bota.
n.e/NOA
