Tiranë, 21 janar 2011, NOA- Shfaqet në turmë njëri nga eksponentët e Partisë Socialiste, Pjerin Ndreu.
Në një deklaratë para mediave, ai deklaroi se mbi turmën është qëlluar me armë zjarri.
Ai deklaroi gjithashtu se deri në këto momente, janë numëruar tre të vdekur.
Lidhur me faktin se kur do të përfundojë kjo protestë, Ndreu tha se, “Kur të largohet Sali Berisha dhe qeveria e tij”.
Ndërkohë nga ana e përfaqësuesve të policisë bëhet me dije se goditjet kanë qenë me plumba gome.
Reagimi i policisë ka ardhur pas një tentativave të manifestuesve për të hyrë në portën e hekurt të godinës së Kryeministrisë, ku më pas edhe e kanë rrëzuar atë.
Ndërkohë mësohet se është Garda e Shtetit ajo që ka marrë situatën nën kontroll.
a.y/NOA
