Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Rama: Nuk anulojmë demonstratën e dytë
English

Rama: Nuk anulojmë demonstratën e dytë

Tiranë, 25 janar 2011, NOA - Kryetari i Partisë Socialiste, Edi Rama deklaroi sonte se demonstrata e të premtes së dytë për këtë muaj, nuk do të anulohet. Pas takimit me tryezën e aleatëve të Opozitës së Bashkuar, kreu i PS-së ka theksuar se protesta është një homazh për qytetarët që humbjen jetën në demonstratë e datës 21 janar në Bulevardin “Dëshmorët e Kombit”. Rama tha se nuk ka arsye se përse të mos nderuar kujtimin e tre qytetarëve që humbën jetën.

“Bëhet fjalë për një demonstratë homazh, ne nuk e anulojmë demonstratën homazh”, tha Rama. Ky është vendimi që ka marrë edhe tryeza e “Opozitës së Bashkuar”.

Deklarata e kreut të PS-së për vazhdimin e demonstratës së datës 28 janar shton edhe me tej tensionet mes mazhorancës dhe opozitës.

Kryeministri Sali Berisha deklaroi pak orë më parë se ka anuluar mitingun e datës 29 janar.

Me vijimin e demonstratave. Rama ka dalë kundër deklaratave të Shteteve të Bashkuara të Amerikës dhe të Bashkimit Europian për mos vijimin e protestave.

Sot Ambasadori i SHBA, Aleksandër Arvizu deklaroi se u ka kërkuar dy drejtuesve të forcave kryesore që të anulojnë tubimet masive. Madje publikisht bashkë me Ina Ramën, Arvizu në daljen e tij te Prokuroria e Përgjithshme tha se shpresonte që Rama dhe Berisha të ndërmerrnin shtyrjen ose anulimin e tubimeve.

Më herët se Rama të shpallte sonte mostërheqjen, Berisha doli para mediave dhe tha se kishte vendosur të shqyrtonte anulimin e manifestimit të së shtunës.

Kurse Edi Rama, po sonte në një intervistë për televizionin “News 24”, ka akuzuar direkt kryeministrin Sali Berisha “si urdhërues të vrasjeve të tre qytetarëve”.

a.k/NOA

KOMENTE