Tiranë, 27 janar, NOA - Zëvendësministri i Jashtëm i Lituanisë, vendit që mban presidencën e OSBE-së, do të jetë sot në Tiranë për të diskutuar për krizën politike në vend.
Zyra e OSBE-së njofton se zëvendësministri Evaldas Ignatavicius, do të takohet me Presidentin Bamir Topi, kryeministrin Sali Berisha, zëvendëskryeministrin dhe ministrin i Jashtëm Edmond Haxhinasto dhe kryetarin e Partisë Socialiste Edi Rama.
Përfaqësuesi i OSBE-së do të zhvillojë takime edhe me përfaqësuesit e Bashkimit Europian dhe Ambasadorin e Shteteve të Bashkuara.
Qëllimi i vizitës së zëvendësministrit letonez është “zbutja e tensioneve dhe mbështetja e dialogut për të adresuar problemet e krizës politike në vend”.
Sot në orën 18:15 përfaqësuesi i OSBE-së do të jap dhe një konferencë për mediat.
a.k.NOA
