Leçe, 31 janar, NOA - Një shqiptar 30-vjeçar, i arratisur që në muajin korrik pasi ndaj tij ishte lëshuar një urdhër-arresti nga Gjykata e Leçes, është kapur në aeroportin e Fiumicinos, pranë Romës, nga policia kufitare italiane.
Emigranti u ndalua për një kontroll, ndërsa ishte duke pritur për gruan e tij e cili kthehej nga një udhëtim në Shqipëri.
Ndërkaq, hetimi ndaj tij ka çuar edhe në arrestimin e 23 personave të tjerë, me të cilët ai bashkëpunonte në një organizatë të trafikimit dhe shpërndarjes së lëndëve narkotike.
Kështu, sipas policisë italiane, organizata në fjalë është duke vepruar në krahinat e Tarantos, Brindizit, Leçes dhe Barit dhe ka ngritur një rrjet të korrierëve për shpërndarje të drogës.
Brenda këtij rrjeti, përveç shqiptarëve, përfshihen edhe shtetas tunizianë, pakistanezë dhe nga Bregu i Fildishtë, disa prej të cilëve kanë të degëzuar kontaktet me trafikantët e Amerikës së Jugut amerikan.
n.e/NOA
