Shkup, 2 shkurt 2011, NOA- BDI po e shqyrton seriozisht mundësinë e zhvillimit të zgjedhjeve të parakohshme.
Sekretari i përgjithshëm i BDI-së, Abdylaqim Ademi theksoi se, “Maqedonia tani përballet me çështje shumë të rëndësishme, të cilat duhet të zgjidhen, siç janë eurointegrimet, ndërtimi i korridoreve dhe se për momentin nuk shohim arsye për zgjedhje të parakohshme”, theksoi Ademi.
Sipas tij, në rast se BDI arrin marrëveshje me partnerin e koalicionit VMRO-DPMNE për të pasur zgjedhje, atëherë ai nënvizoi se ato nuk do të jenë problem edhe për partinë e tyre.
Në vijim të qëndrimit të tyre krerët e BDI-së po shqyrtojnë edhe çështjen e bojkotit të Parlamentit nga ana e partive opozitare.
a.y/NOA
