Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Wollfarth: Zbatoni Kodin Zgjedhor, dorëzoni emrat e komisionerëve
English

Wollfarth: Zbatoni Kodin Zgjedhor, dorëzoni emrat e komisionerëve

Tiranë, 2 shkurt 2011, NOA – Ndërkohë që zgjedhjet vendore të 8 majit janë tre muaj larg e kur edhe për shkak të situatës së tensionuar politike mes mazhorancës dhe opozitës ende nuk janë bërë publik kandidatët për Bashkitë e Komunat në tërë vendin, Ambasadori i Prezencës së OSBE-së, Eugen Wollfarth, i ka bërë rishtas thirrje partive politike të zbatojnë plotësisht Kodin Zgjedhor, duke i paraqitur Komisionit Qendror të Zgjedhjeve propozimet e tyre për anëtarë të komisioneve zgjedhore. Këtë deklaratë ambasadori Wollfarth e bëri në referencë të faktit se asnjëra parti politike nuk ka dorëzuar deri më tani në KQZ listën e plotë të kandidatëve.

Wollfarth theksoi në deklaratën e tij se “Shqiptarët dhe partnerët ndërkombëtarë të vendit presin që zgjedhjet për organet e qeverisjes vendore të zhvillohen më 8 maj, ashtu siç janë dekretuar nga Presidenti i Republikës. Komisioni Qendror i Zgjedhjeve është në fazën e përgatitjes së këtyre zgjedhjeve. Puna e tij do të bëhej më e lehtë, nëse të gjitha partitë politike veprojnë menjëherë dhe respektojnë ligjin, duke dorëzuar emrat e të gjithë komisionerëve zgjedhorë brenda afatit”, nënvizoi ambasadori i OSBE-së në Tiranë.

Ai apeloi se “Presim që të gjitha afatet e tjera ligjore të respektohen plotësisht, ashtu sikurse presim që të gjithë anëtarët e KQZ-së të marrin pjesë në të gjitha mbledhjet”. Sipas Kodit Zgjedhor, afati i fundit për paraqitjen e emrave të komisionerëve të komisioneve të nivelit të dytë ishte 24 janari.

Ndërsa, afati që KQZ-ja të konstituojë të gjitha komisionet është 7 shkurti.

Ndërkohë, kryesocialisti Edi Rama theksoi sot se në këtë situatë politike është gati gati e tëpërt të përmenden zgjidhjet vendore, për shkak se më parë duhet të nisë dialogu politik dhe gjetja e kompromisit si dhe të zbardhen vrasjet e 21 janarit.

mit/NOA

KOMENTE