Tiranë, 12 shkurt 2011, NOA- Deputetja socialiste Ermonela Felaj reagoi pas fjalës së deputetit demokrat Gerti Bogdani, për publikimin e dosjeve hetimore nga ana e Prokurorisë.
“Duna e përditshme mediatike e Saliut ndaj Ina Ramës dhe shtypit anti qeveritar provon se Saliu është i tmerruar nga hetimi i pavarur. Është i tmerruar nga arrestimet e atyre që i quajti heronj pse hapën zjarr mbi popullin. Është i tmerruar nga e vërteta që po del përditë në dritë falë gazetarësh e mediash që nuk i djeg dot siç bëri dikur me gazetën Koha Jonë”, u shpreh Felaj para mediave.
Më tej ajo shtoi se, “Saliu është i tmerruar se është kapur në vjedhje e në vrasje nga populli i tij. Që kërkon vetëm një gjë, largimin e koalicionit të turpit dhe zgjedhje të reja”.
Në të njëjtën linjë pak më parë reagoi edhe Prokuroria e Përgjithsme, e cila mohoi kategorikisht rrjedhjen e informacionit nga ky institucion.
a.y/NOA
