Tiranë, 16 shkurt 2011, NOA- Ashtu siç ishte lajmëruar, duket se tashmë do të bëhet realitet bashkimi i Partisë Drejtësi dhe Unitet me Partinë për Drejtësi dhe Integrim në një forcë të vetme politike.
Burime zyrtare nga PDU, konfirmojnë për agjencinë e lajmeve NOA, se ky zyrtarizim pritet të bëhet ditën e nesërme.
Përveç kryetarëve të këtyre partive, Shpëtim Idrizi dhe Tahir Muhedini do të jenë të pranishëm një sërë të ftuarish nga Shqipëria dhe Kosova, të cilët do të mbajnë fjalën e rastit.
Ndërkaq nuk dihet ende se si do të jetë emri i partisë dhe as se cili do të jetë kryetari i saj, por duket se mes dy liderëve të partive të jetë bërë një konsensus.
a.y/NOA
