Tiranë, 18 shkurt, NOA - Policia e Tiranës ka arrestuar një 18 vjeçar për trafik të lëndëve narkotike. Altin Osman Disha, banues në Tiranë u ndalua dje në Tiranë, pasi gjatë kontrollit në shtëpinë e tij, policia i ka gjetur 10 doza heroinë.
Policia ra në gjurmët e Altin Dishës në kohën që ishte në kërkim të vëllait të tij Dorian Disha.
Veç drogës policia sekuestroi dhe disa qese plasmasi që shërbenin për paketim, një portofol lëkure me 3000 lekë, një paketë e kartës “Sim si dhe telefona celular.
Ndaj 18-vjeçarit ka nisur procedimi penal. Ndërkohë që policia po punon për kapjen e vëllait të tij, i cili është shpallur në kërkim.
a.k/NOA
